ابطيت وينك

قلي بجيلك وين أجيلك وأحصلك
وين أنت زاد الشوق وألهب حنيني

وين أنت غايب عن عيوني أبسألك
متى أبفرح فيك يومك تجيني

من كثر شوقي لك صرت أتخيلك
في كل زول وكل لمحة بعيني

وأجيك واهم وأحسب أني أبوصلك
ويحول واقع صعب بينك وبيني

أبطيت وينك ما تهيا مواصلك
مليت أعاني قرب عيا يحيني

وأحلم بطيفك في منامي وأقابلك
وأصحى بدونك يا خسارة سنيني

متى على الله هالليالي تعجلك
وأجلس بقربك والغلا محتويني

والله أبشغل فيك عمري وأبشغلك
وأبقى أسولف معك بأحساس فيني

ماراح أببعد عنك وأخسر مواصلك
وأشره علي أن غبت دامك تبيني