ذكرياتك أليمة

يالي معاك اجروح قصة قديمة
عدتي وزدتي في جديدي لي جروح

انا ادري انك بالمشاعر عقيمة
وش لون جرحك يشفي انسان مجروح

يامن رجعتي وذكرياتك أليمة
فيني اثرها طعون والدم مسفوح

لاتحسبين الروح منك سليمة
ماعاد روحي للمحبة بها روح

شفت العذاب وحزن قلبي وضيمه
واوجاع ضيق ومسهر العين بالنوح

ولا بقالي حيل عقب الهزيمة
عاشق ضحية عشقه اليوم مذبوح

الحب غلطة عمر ويا هي عظيمة
والحين ما انصح فيه ولاني بمنصوح

شوفي بغيري لك ضحية جريمة
ولا جنابي مكتفي منك جروح