الحال

لا تحسب ان الحال بمفارقك حال
والنفس الاولى مثل ما كنت خابر

قبل انتوادع رحت ولاهي على البال
صرت الكويت وسفرتك موت جابر

ولا سجين وفي زيارتك أمال
ماجيت لجل تشيل هم العنابر

صرت اتخيل مشيك اطرقت بنعال
مثل الدفين الميت وسط المقابر

تكفى لا ماتت باللقى فيك الآمال
حاول تجيني حلم بالنوم عابر

حلمن تفاجئ بالملك فيصل أغتال
واصبحت حال القدس في حض دابر

ما زول راحت فرصة القرب باوصال
اي والله صعبة حتى لو كنت اكابر

ادري ماكل اهموم تشكى وتنقال
لكن سفرك الصعب للبوح جابر

اصبح فراقك ذنب جايز وينشال
ولا رجوعك اجر بانسان صابر

والحال اصبح في غيابك مثل حال
اهل الكويت بموتة الشيخ جابر