يمه

ليتك يا يمه في ضروفي تشوفين
بعدك يايمه والله شانت ضروفي

بعدك يايمه دنيتي لوعة وبين
والضيم يمه ساكنن وسط جوفي

حضي تردا في غيابك عن العين
وانا بغيابك بس اصفق كفوفي

الحال شين وغيبتك شين في شين
وانا بغيابك زاد حزني وخوفي

انا اشهد اني فيك تايه ومسكين
مافيه غيرك فيني يشفق ويوفي

يمه يا ليتك في شقى الروح تدرين
من كثر ما ابكي يمكن ايروح شوفي

بعدك يا اغلا انسان ما لي عنواين
ما غير باسمك قمت اتم اتم حروفي

فرقاك ساعة كنها عشرة اسنين
واشلون اقاوم يوم دونك يطوفي

ما فيه حيلة كود ارفع بكفين
واطلب من الله يومن ارفع كفوفي

ابقى بجنبك يا حناني و تبقين
واطلب رضاتك يا حشاشة بجوفي