هذي الحقيقة

يابنت والي تمشي الروح بأمره
ما كنت مرخص في غلاتك دقيقة

نتي كيان انسان حلوه ومره
كنتي وباقي لو تغير طريقة

ماراح تطفي فيه للحب جمرة
ماالله كتبني لك هذي الحقيقة

هذي حقيقة حب ماطال عمره
وان مات عشقن من عشيق لعشيقة

يبقى لذكرى خير باحداث سمرة
الحمد لله انتهى دون ضيقة

شفتك حبيبة قلب بأحلام حمرة
مابه نصيب وصرتي حسبة شقيقة

حب وزرعنا من وفانا لثمرة
تقطف بياض قلوب اهل الحديقة

الحب مثل الموت بالعمر مرة
كلن بذبح القلب عنده طريقة

من قبل امر الحب عمري وأمره
اعيش وادري موتتي بأي دقيقة