عمر الحمامة

عمر الحمامة ماتوافق مع طيور
ان ما تعشا فيك بكرة فطورة

مثل الوظيفة تجعل الناس طابور
زحمة وكلن باغي الدور دوره

يعني محبة بالوظيفة مسك الدور
لا والله حبن للمعاش وأجوره

عكس اظطرار انسان للدور مجبور
صرتي غرام الغصب وقت الضرورة

لذا اترفع عنك واجيك بغرور
ليه اتواضع لجل وحدة مغرورة

صغتك مثال وانكشف حال مستور
باسلوب ماهو ليا اول ظهوره

هدي ولا ابغى مني اعصابك تثور
على قرونك غبريها يا ثورة

وسام فوق الصدر لاقلتي مغرور
اجمل شهادة في جنابي وغروره

شكرا وقلبي من صراحتك مسرور
شكرا جزيلا زدت قلبي سروره