مجرد غيابي

ماكنت اظن الحب وعشرته وياك
يقتل بيدينك من مجرد غيابي

معقولة هانت قصة العشق وذكراك
يعني جزاة الوصل جاني عذابي

ياقو قلبك تغدر بمنهو يهواك
دوايا اشوفك بس شفتك صوابي

وشلون تقوا تخون وشلون مقساك
وشلون بحر الوصل يقلب سرابي

خسرت فيني قطرة اوصال مضماك
امنت فيك وطيب قلبي غدابي

ماكنت احسب غدر ياتي من خفاك
اثرك تحرى غيبة ولا اغترابي

دورت غيري يوم فارقت عيناك
خذلت اول حب عشته بشبابي

قتلت هيبة عشق وافي بفرقاك
عشق وتدمر ما بقاله مهابي

عجزت افسر شالخيانة بمعناك
رخيص ذمة حب جالك جوابي

لكن خسارة ليل شوقي بلياك
وحساب وقت البعد وكثرة حسابي

حسافة نبض القلب يومن تمناك
واحساس لجلك كان يرسم تعابي

ابعدت عنك لكن الروح تبغاك
والفكر يسرح فيك ولمك سرابي

لو اتصالي ماوصل لك ولا جاك
معذور وما قلت خانت وليته درابي

بس المصيبة يوم ترخص من اغلاك
من فوق شقوى الوقت جرحك شقابي

ماجيت ابفتح صفحة الحب لرضاك
ازعل لاني جيت اسكر كتابي

ما عاد احبك موت وأحلم بلقياك
اقفت مزون الشوق واقفا سحابي

سمه نهاية حب طاغي ولا امداك
سمه حقوق انسان وجاك انقلابي

قل انتفاضة حب قامت من إسواك
ولا النهاية وجيت اصفي حسابي

خسارة اول حب يكتب لشرواك
شفتك عمار العمر واثرك خرابي

اسلك طريق الغدر وكثر ضحاياك
مظلوم وابشر دعوته تستجابي

يالله تلاقي منهو يفعل سواياك
يجيك ضعف الهم ولوعة مصابي

ولا قليبي انتفض حب وخلاك
يعشق من اخلص في حظور وغيابي