يا هاجرة

يا هاجرة وش جاك قلبي هجرتيه
معقول قلبك راضي تهجريني

ياجارحة باحساس عاشق ملكتيه
وش صار مني يا غلا تتركيني

عبد الله يذكر شوقك الي نسيتيه
واوقات ذاك الوصل بينك وبيني

يكفي خفوقي ما جرى منك يكفيه
يكفيني هجر وبعد وليتك تجيني

تعالي شوفي اصدق الدمع باكيه
واصدق شعور الحب واصدق حنيني

حني لمنهو هجرك الصعب طاويه
حسي بخاطر منك مكسور فيني

يا هاجرة والبعد قاسي ولا ابيه
ابيك انتي بس يا نور عيني

كانه بكيفك هجرك الي قوتيه
يا هاجرة بتضيع بعدك سنيني