نكرت الحب

لو كنت تدري بالغلا ماتناسيت
ولا نكرت الحب وعشرة سنيني

والله لاترجع عقب ما رحت وابطيت
تطلب رضاي وتحلف انك تبيني

والله لاتبكي بالعذر لي لا جيت
تبغى السماح ويستفزك حنيني

واقول بدري بالخطا تو حسيت
راحت عليك ولا تحاول تجيني

وينك عن الي مات لجلك وصديت
ولا حسبت حساب لدموع عيني

وش فاد عذرك لي يالي تخليت
عندي جروح وحزن مسجون فيني

وآهات ليل وصبح واوقات عانيت
رحت وجفيت ولا يهزك ونيني

كان الاطبا ترجعك حي ياميت
حاول ترجع شي بينك وبيني