قلت اش جديدك

قلت اش جديدك قلت وشهو جديدي مابه جديد اليوم كود القصيدة
حاولت اجدد بالمشاعر قصيدي بس المشاعر اشياء ماهي جديدة

يمكن جديدي يوم غابت بليلة وانا يا بندر وش جديدي من اسنين
القلب يخفق والمشاعر عليلة والعين تدمع يوم غابت عن العين

وان جيت ادور يوم غابت وسيله مابه وسيلة في غياب المحبين
وان جيت ابنسى مابه حل)ن( وحيله الصبر ونفس الصبر صاير خيارين

وان جيت ادور في حياتي بديله هي البديل اليوم وصارتلي اثنين
وان جيت ابمسح دمع شوق ومسيله اذكر دموع)ن( من هدبها على حين

وان قلت احبك بالقصايد قليلة هالبنت اكبر من ااحبك ببيتين
وان كان جتني في عملها فضيلة هذا والوصال وهذي هقوة عزيزين

وانا كان راحت ماهو عيب وفشيلة الله يسهل في خطاها طريقين
طريق دنيا يوم عاشت جليلة والجنة تاصل في طريق التقيين

وانا ادعي الله خير وفيها التجي له تلقى سعادة وابتسامة شفاتين