كيف الحال

لا تقول كيف الحال وخل المعايير
مبطي واقول بخير يالله خيرة

لو والله ماني بخير وان شفتني بخير
اشكي صغير الهم وابكي كبيره

يسكن معاي الضيق وحزني مسايير
والضيم مبطي مرتبطبه بجيره

لا حض معية صار ولا حسن تقدير
لين ارتويت الحزن كني مصيره

واضمى واشوف الداب مافارق البير
واطراد سراب الويل وقت الظهيره

مبطي وزين الوقت لحظة مشاوير
ولا صعيب الوقت سفرة وديرة

تعبت ادور فرصتي لجل تغيير
ولا تغير حال ما شفت غيره

أشقى وشقايا تلقطه قسمة الغير
ياغبنتي وان شفت نية حقيرة

وان قلت كيف الحال باجاوب بخير
اكذب واخفي حال ولا شفت خيرة