ذياب الخرابة

باسباب حلمن شفت فيه الغرابة
تعبت افسر فيه طلعبي الشيب

ابطى ماحط نقاط حرف الكتابه
وادركت معنى صور حلم وتراكيب

شفت وبقول الشوف ولاني بآبه
عنك ومنك قاطع الشك عن الريب

شفتك وجنبك منهو ودع شبابه
وسط الفيافي تشرق الشمس وتغيب

ابريع ياطى ذيب محمد ترابه
تلقى الذيابه بين تشريق وتغريب

غير الحناشل ما به شي)ن( يهابه
باع السلاح وقيمته داخل الجيب

والنار تطفي عقب طبخة زهابه
ممن ولو الذيب يجسر بتقريب

قلت الذيابة تهاب واعطآ جوابه
ماشفت ذيب فيها من عقب تجريب

اذيابة ابن فطيس ماهي ذيابه
اذياب لكن صار يدرع بها ذيب

ذياب تاخذ من طبوع الكلابة
هكا الذيابه لاتودي ولا تجيب

نبح الكلاب وما تضر السحابه
على الجبانة عودوها بتدريب

الذيب ذيبك يا خلف له مهابه
شبه الذيابه ما حسبله تحاسيب

محدن درعبه يوم كشر بنابه
ذيبن شبهلك بالفعل والاساليب

خنصل وبنصل ماجمعهن تشابه
مثل الردية ماتجي جانب الطيب

كنت الطهارة وكان غيرك جنابه
هقوته خابت لو حسبها له تصيب

ما طوله واحد صعب يلقى اجابه
دون اربعينه ماتلفت ولا تجيب

تنظر امامك وانت وجه القرابه
ورثن ورثته من فعل جدك كليب

اقفيت عني وقمت اناظر جنابه
عنده ذيابة دارعن لك بها ذيب