اشاعه

يابنت صرتي لي ضحية اشاعه
مابغا اشوفك من ضحايا الاشاعات

تيار هذرة لا يغمرك اندفاعه
الناس تكثر والسوالف كثيرات

كذبة عذولن بالخيانة طباعه
والحق يطلب بيننا صك واثبات

قبطان مثلي حيلته في شراعه
الموج جاني والهبايب سريعات

والريح عاتي مالواله ذراعه
مبطي مجرب بالمواقف شديدات

ماكل جرأة فعل توصف شجاعه
ولاهي اية رجل تاصل مسافات

ولاهو اية صوت يطرب سماعه
صوت الكناري ما يشابه نشازات

ماكل غايب في غيابه قطاعه
والي يريد الوصل يمشي بخطوات

والكذب مافي منه ارخص بضاعه
والصدق طبعه ماتجيبه ريالات

واخذ التحري امر لازم وطاعه
لا جاك فاسق مدعيلك بيانات

والعاذل الي لا جهلنا استماعه
يموت غيرة بين ضيق ومتاهات